Lampa llaqtapi sinchita rrit’i kunan chayaykapun kay p’unchawkuna, chaymi uywa uywaq runakunata ancha llakiypi churan. paqochakuna, llamakunapas wañusqapaqocha uywaqkuna sasachakuypi tarikunko.
Jorge Chávez Checa, Defensa Civil oficinapi llamk’aqmi willarikamun, kay pachamama tikrakuymi ancha mana allin nispa. Chayrayku kay comunidad nesqakunapi sasachakuypi tarikun, hinallataq emergencia nesqapi kay oficinakunawan llamk’asaqku, yanapanakuyta chayachisaqku nispa rimarimun.
Willakuyman hina, aswan sasachakuypi tarikun distrito Santa Lucía, Paratía, Palca, Vila Vila hinallataq Ocuviri llaqtakuna. Hina kaqtinmi paqochakuna llamakuna pasaqta wañurparisqa.
Vila Vilapiqa qanchis pachak (700) uywakuna wañusqa kasqa, iskay waranqa pusaq pachakniyoq (2800) uywakunataq q’echa onqouwan onqoshan, Paratía llaqtapitaq qanchis pachak (700) uywakuna wañusqa, iskay waranqa uywakunataq (2000) uywakunataq sasachakuypi kashan. Santa Lucía llaqtapitaq tawa pachak pusaq chunka esqoniyoq (489) uywakuna wañusqa, Palca llaqtapitaq tawa pachak (400) uywakuna, Ocuviri llaqtapitaq kunankama chunka phisqayoq (15) uywakuna wañusqa ahinatan willakamun.
chayrayku umalleqkuna emergencia nesqapi kachun nispa mañakushanku, hinamantapis yanapakuyta ima, runakunapis onqosqas tarikullankutaq.
yc.