Coata llaqta tarikun mama qocha Lago Tititkaka nesqaq puntanpi chaypitaq apakun hatun raymi pasaq iñisqa mamita Presentacion nesqa sapa iskay chunka ukniyoq noviembre ayamarq’a killap, pasaq hatun kusikuywan hinallataq iñiywan ima.
hina kaqtinmi apakullataq kay qhatunakuy sutichasqa isla pata nesqa, chaymantaq purimunko qhatuqkuna mama qochaq chaupinpi kashan Amantini chaymanta pacha, apamunko qhatunankupaq imaymanata, rumimanta ruwasqata, k’aspimanta ruwasqata, awasqata ima.
hinallataq apamunku challwa kankata, kay mihuytaqa pasaqtan rantikunko llaqta runakuna imaraykuchus pasaq sumaq rumipi kankasqa echaqa kay wataqa pasaq ashkha qolqepaqmin kasqa.
kay qhatunakuyqa sapa wata apakun ch’ulla kutilla imaymana uywa qhatoy ima, kaytaqa ñaupaqman purichis kay municipalidad distrital Coata llaqta umalleq, hinallataq raymipaqpis kallantaq alferado nesqakuna ñaupaqman purichinankupaq.