Kay viernes ch’isita yaqapis iskay oras phasmiyoqta pasaqta chikchi chayaykapun chaupi Juliaca llaqtapi, chayman sapa kutin para chayaqtin pasaq sasachakuypiqa tarikun kay hatun qhatuna wasi Tupac Amaru nesqa, chaymanta Centro comercial, Pedro Vilca Apaza, San Isidro y wak cheqankuna yaku uhupi tarikun.
Llaqta runakuna pasaqta kolerashanku hayk’aqkamata mana ruwakunqachu kay drenaje nesqa unu lloqllanampaq nispa, chaymantapis kay qhatuna wasipi llank’aqkuna mañakushanku walay nispa kay puka runakunata, yanapanankupaq, imaraykuchus waranqaq waranqan qolqekunata pierden kay qhatuna wasi Mercado Túpac Amaru nesqa.