Kay wata qallariymanta mosoq umalleq Alcalde Oscar Cáceres wiraqochawan manan k’iqllukuna pichasqachu, pasaqtan monturayashan tukuy urbanización nesqakunapi, manan kay alcalde allintachu llank’ashan kay Juliaca llaqtapi nispa.
Ñaupaq alcalde David Sucacahua allintaraqmin pichachisharqan k’iqllukunata, kunantaq pasaqta q’aparishan, kaykunaqa imaymana onqoytan apamunman, kunan para chayaqtin kay q’opakunaqa uno lloqllanakunatan taparqapushan hinaspataq inundación kanman nispan nishanku.