Mana iñinapaq hina, kay ayllu Carmen alto Ccolpani Putina llaqtapin iskay chuka uhiakuna wañusqa tarikun uk paqochapiwan hinallataq iskay chunka uhiakuna chinkan mana yachakunchu maypi kasqan, umaraykuchus uhiakunata tarinku pasaq umanta ñut’usqata hasta ñosqhota hurq’osqata.
Kay pasaq viernes ch’isita pasaqta para tukuy tutata chayaykusqa, hina kaqtinmi uywayoq runakunaqa uyarisqanku mana allinta hina manchakunapaq ima, hinaspan lloqsisqanku hawata hinaspataq tarisqanku kinsa uhiallata wañusqata wakintaq kancha wasakunapis kashasqa mana umayoq, ahinatan willakamun Lilian Chambi Vargas paymin kasqa chay uywakunaq michiqnin.
Hinaspan willasqanku umalleqkunaman chayraq sabado p’unchayta chayamusqa suprefecto Putina llaqtamanta hinaspan qhawaykun, hinakaqtinmi ninku ima animal nesqataq kayta wañuchinmanpis nispa, kunanqa kay mama Lilia Chambi mik’arikun umalleqkunata yanapariwaychiq t’aqwiyta nispa.