Iskay p’unchaykunañan apaykukushan kay hatun sayariy kay Puno suyupi, hina kaqtinmi kay Juliaca llaqtapiqa kallpawanmi sayariy tukuy k’ikllukuna wontulakunawan wisq’asqa, Arequipa llaqtaman, Huancane llaqtaman, coata llaqtaman wisq’asqa mana ima autupas purinchu, echaqa Puno llaqtamanqa pisi pisillata Purishan autukuna.
HUANCANÉ. Autoyuqkuna sayarishanku iskay p’unchaytaña kay pecosani chay cheqanpi hinamantapis tutamantaraq Ramis chakata ya wisq’ankuña, mana autukuna purinñachu, Rinconada llaqtamanqa kay Arapa ñaninta purishan.
MACUSANI. Macusani llaqtapis sayarillantaq, kay autukunaq sayanan ch’usaq mana wuntulayoq, mana kanchu wuntulakuna Juliaca llaqtaman hamunapaq, nitaqmin pasanchu autukuna kay Madre de Dios Puerto Maldonado llaqtamanpis.
PUNO: Kay llaqtapiqa manan sayarinkuchu imaymana qhatuypas kaq hinallan qhatukushan, mana ima sayariypis kanchu, echaqa qayna ch’isita pasaqta chikchi chilchiykapun mana puririnapaq hinaraq.
