Fotos: La Decana

Kay semana santa nesqapi llapan runakunaqa iniqku yayanchisma hina kaqtinmi llaqta runakunaqa chunka iskayniyoq mihunakunata wayk’ukoq kanku, kunantaq kay millay onqoy coronavirus nesqa t’eqsimuyuntimpi wañuchisahn runakunata chay kaqtintaq Peru suyu umalleq nin manan kay Jueves santo hinallataq viernes santo p’unchaykuna pipis lloqsenqachu wasinmanta nispa.

Chay kaqtinmi pisillampin runakuna rantirukunko imaymana muhuykunata kay viernes santo nesqapi wayk’ukunankupaq, manañan ñaupaq watakuna hinachu, llaqta runakuna kunanqa pisitan rantikunko kay semana santa nesqapaq kay viernes santo uhupi, hinamantapis manacha wayna sipaskuna kunanqa lloqsenqachu orqokunaman.

Foto: La Decana

wakin runamasinchiskunataq ripunko kampuman chaypi yawarmasinkunawan kurak runakunawan huñulla qaynarikunankupaq kay viernes santo nesqapi, wakintaq yuwarinqankucha kay dios yayamanta imaynatan wañurqan noqanchis rayku uk cruspi chakatasqa chaykunata.