Sapa uk p’unchay agosto killapin yuyarikun pachamamaq p’unchaynin nesqa, chay kaqtintaq tutamantaña qollasuyupi tiyakuq runakuna saymakunko insenciowan, wakintaq q’osñichikunko illariymantaña sumaq allin wata kanampaq, winukunawan ch’allakunko, kunanqa yana cervesawan qolqeta qorita ima ch’allallankutaq allin qolqeyoq kanankupaq.
Kay Juliaca llaqtapitaq may pacha paqariymantaña purinko Maravillas mayuta hinallataq onoqolla mayuta, chaymanta horq’omunku p’alta rumikunata qolqe nispa, chaytataq saumeanku, ch’allanku winuwan, yana cervesawan allin qolqeyoq kanankupaq, wakintaq qhatullankutaq kay rumikunata ch’allanankupaq, wakin runakunataq qolqe waqaychanankuta, qolqenkuta ima challaykullankutaq.
MISTI RIMAYPI: En Juliaca es bien conocida una frase: “Hasta las piedras se venden”. Esta se encuentra relacionada con una tradicional costumbre que se replica cada 1 de agosto en conmemoración a la Pachamama. Dicha fecha es muy importante en el altiplano y engloba otras actividades, como la popular challa y los baños espirituales.