Kay Perú suyu umalleq Martin Vizcarra Cornejo uk qelqata hurq’omun qayna tuta estado de emergencia nesqata, manan runakuna wasinchismanta lloqsisunchu chunka phisqayoq p’unchaykunata pacha, imaraykuchus kay millay onqoy koronavirus nesqa pasaqta aqariqtin enteron t’eqsimuyuntimpi pacha.
Kay kamachikuyqa enteron Perú suyupaq pacha, kunanqa runakuna manan k’ikllukunapi puriykachayta atisunmanchu, wasinchis uhullapin yawar masintin kananchis, pikunachus lloqsinqa k’ikllukunaman chayta much’u qaranmanta hap’inqa hinaspataq aysaykunqa comisaria nesqaman.
Hinamantapis ima oficina nesqakunapis manan atendenqachu llaqta runakunata, chayman mikhuy qhatuna wasikuna, grifo nesqakuna, hampina wasikunallan kichasqa kanqa, chaymantapis mihuna wasikuna tukuy maypichus askha runakuna tantakun chaykunampeqa manan atinqankuchu huñukuyta, ahinatan kamachikamun
El presidente de la República, Martín Vizcarra, anunció que el Gobierno ha decretado el estado de emergencia nacional por un plazo de 15 días, para frenar la propagación en el país del nuevo coronavirus, empezando por el aislamiento social obligatorio a nivel nacional.