Kay pasaq semana uhupin policiakuna ronda nesqakunaq yanapayninwan hap’isqanku phisqa ch’utikuqkunata, kay millaykunaqa allin armarisqa ch’utisqanku hinaspa hap’ichikusqanku kay sector cupi nesqa Paucarcolla llaqtapi iskay oras ch’isita, kay suwakuna suwasqanku uk uywa rantiq runamanta qolqenta kay ñan purín Chingarani ayllumanta Tiquillaka llaqtakama.
Kay suwakunaqa eskapasqanku orqonta hinaspan chakusqanku policiakuna chaypitaq armakunawan t’oqhaykuchinakusqanku chaypitaq yanapakusqa presidente rondas campesinas kay Chingarani ayllumanta chaymantapis juntas vecinales Arboleda, Patapampa ayllukunamanta ima, hispan kinsa suwakuna hap’isqanku, sutinmi kasqa Leonel Fernando Mamani Quispe, Sergio Condori Quispe hinallataq Oliver Juvenal Condori Coaila.
Hinaspan tarillasqankutaq masinkunata kaykunaqa uk puka autupi suyasqanku Chingarani aillupi. Chaykunataq kasqa Sergio Raúl Quispe Sanga chaymantapisy Efrain Sergio Velásquez Quispe, chaypi tarisqanku uk armata cuchillukunata celularta ima hinamantapis suwasqa qolqeta.